كتير كنت بقرأ فى المنتديات
عن علامات تكشف بيها الكدابين
ودى غالبا بتكون من خبرات مسبوقه ودراسات علم نفس
لكن الجديد بقى
انى اكتشفت انى كداااااااب كبييييييييير
عارفين ازاى
هقولكو
اولا الصفه الاولى:
زيــــــــــــــغ البصــــــــر (يعنى مبيبصش ليك مباشره اثناء الكلام )
وانا فعلا مش بحب ابص للى بكلمه
بس مش علشان خايف يكون بيفهم فى لغه العيون
لأ
لكن علشان انا بحب اراقب المكان اللى حواليا كويس
مش براقبه خوف من حاجه
لكن علشان احفظه كويس
وكمان انا اصلا بتحرج اوى لما حد يبصلى ويطول
ثانيا:
استخدام كلمات قليله(وبيقولو فى النقطه دى انه بيستخدم اقل عدد من
الكلمات علشان يقدر يفكر فى الكذبه اللى بيقولها كويس ومش بس كده ده كمان
لو أتكلمت كتير هتبقى بردو كداب علشان هتبقى بتعمل كده علشان تثبت انك
صاادق هههههههههه يعنى كده او كده بردو كداب )
انا بقى طبعى اصلا انى مش بتكلم كتير
لكن لو حد بيحاورنى
بتكلم معاه عادى
بس بيكون كلام قليل
وحتى فى قاعده بتقول خير الكلام ما قل ودل
اللى واضح ان اللى كاتب المواصفات دى مش معترف بالقاعده دى خالص
ثالثا:
بقى دى اللى هى التكلف العصبى
هتقولى يعنى ايه تكلف عصبى
هقولك يعنى مثلا تضرب نفسك بالجزمه القديمه علشان تبقى مكشر وشكلك يقول ان
جد فى كلامك لكن بقى لو حبيت تمسح نظارتك وانت بتتكلم ولا حاجه
هتبقى كدااااااب
اه هتبقى كداب
الطب النفسى بيقول كده
انت هتعرف انكتر منه؟؟؟؟
ووكمان لو قومت بأى حركه لا اراديه بردو هتبقى كداب
يعنى انت لازم تكون عامل زى العمده الالى وراسم على وشك ابتسامه دبلوماسيه
(او متعرفش يعنى دبلوماسيه يبقى اقولك ابتسامه صفرا )اوعى تكون متعرفهاش هى كمان
رابعا :
التكرررررراااااااااار
دى انا ممكن اوافق علم النفس فيها
لكن بردو مش لدرجه تصنيفها من صفات الكدابين
يعنى لو واحد سئلنى سؤال سؤال بأكتر من طريقه
لكن انا معرفش غير اجابه واحده (فى اسئله كتير ممكن تسئلها بأكتر من طريقه لكن بيكون ليها اجابه واحده بس)
ارد عليه اقوله ايه
اكدب عليه علشان مبقاش كداب هههههههههههه
خامسا :
التعميييييييم (ودى مش فيا الحمد لله (بس انا بكتب اللى مواصفات اللى قرأتها )
ودى انا بعتبرها صفه للتخلص من الزنب
مش الكذب
سادسا: تجنب الاشاره للزات
وأعتقد ان فى ناس كتير بتتجنب الاشاره للزات
وألا بقى
هيكون مغرور
فأنا دلوقتى اختار بقى
اكون مغرور
ولا كداااااااب
سابعا
بقى ودى انا موافقو فيها جدا (والحمد لله مش فيا):
يميل الكذاب إلى أن ينسب للآخرين تصرفات و أقوال رديئة خصوصاً رذيلة الكذب
التي هو مصــاب بها ودى فعلا واكيد ولازم تكون متوفره فى الكداب
ثامنا النسيااااااااان:
يعنى لو انت عندك زهايمر تبقى كداب
ولو بتحاول تنسى علشان تعرف تعيش بردو هتبقى كداب
وفى النهايه
معظم الصفات اللى معترض عليها ممكن فعلا تكون من صفات الكدابين
لكن متبقاش صفات معتمده
علشان فى ناس كتير من طباعهم الصفات دى
ومش هلون البوست بقى علشان انا تعبان وعايز ارتاح
ايه اللى هببته ده يا اخى
الف مره اقولك متتسرعش متتسرعش
والله انا مكنتش اقصد اى حاجه من اللى فى دماغهم دى خالص
يا اخى بلا تقصد بلا متقصدش .
عاجبك وضعك اللى انت فيه دلوقتى ؟
خلاص بقى متكبرش الموضوع
واهى اتحلت تقريبا الحمد لله
انت شايف انها كده اتحلت ؟؟؟؟
دى اتنيلت اكتر على دماغك اهو
جتك نيله
لما انت مش قد حاجه بتعملها ليه
بالله عليك يا اخى هتعرف تكلم ...... علشان يشوفلك حل
ان شاء الله هتتحل
بس روق انت بس
مش عارف ليه حاسس ان النهايه مش هتبقى لصالحك خااااااالص
وبكره نقعد جنب الحيطه
ونسمع الزيطه
انا عاملت اللى عليا وشلتها اعملو انتو كمان اللى عليكو وشيلوها
4 التعليقات مرسلة بواسطة الفتى الحزين في 6:08 مبصو بقى
انا عملت اللى عليا وخلاص
مع انى حاسس انى غلط
بس ميضرش
ان شاء الله اللى خايف منه مش هيحصل
المهم انى عملت اللى طلبته شيمو
ولاغيت خاصيه رقابه التعليق
وانا من هنا
ارسل نداااااء الى كل مدون
حاطط الكلمه التأكيديه
وحياه ابوك شيلها
عادي يعني في المنتدى وهنا كمان
مش هنخلص باين من حكاية الاسئلة الرزلة دي
وانتوا عارفني مش بتوصى بالاسئلة بقى
فاكر الـ 3 مليون جنيه؟
1- اسمك بالكامل
2- سنك وتاريخ ميلادك
3- محل ميلادك ومحل سكنك
4-تاريخ اصدار بطاقتك الشخصية
5- عدد افراد اسرتك و اسمائهم
6- حالتك الاجتماعية (يعني عازب-متزوج-مطلق-ارمل-مرتبط-................)
7- نوعك (انا مجبتش حاجة من عندي دي بيانات البطاقة جاوب)
8- مؤهلك؟
9- وظيفتك
10-اخيرا وليس آخرا رقم البطاقة
1- لونك المفضل
2- فاكهتك المفضلة
3- اكلتك المفضلة
4- الزي المفضل
5- البرنامج التلفزيوني المفضل
6- موقعك المفضل
7- المدونة المفضلة
8- يومك المفضل
9- مشروبك المفضل
10- أخيرا برضه وليس آخرا صديقك المفضل
1- ايه نوع تليفونك المحمول
2- ايه نوع العربية بتاعت العيلة (لو مفيش تحب تشتري عربية نوعها ايه؟)
3- ايه نوع الكتب اللي فتقراها؟
4- ايه نوع الناس اللي بتنجذب ليهم؟
5- ايه نوع الهدوم اللي بتشتريها (لازم تبقى ماركة ولا بتشتري على اي اساس؟)
6- ايه نوع متصفح النت بتاعك؟ (انترنت اكسبلورير-فيرفوكس-اوبرا-..........)
8- ايه نوع ايميلك؟(ياهو-هوت-اسكاي بي-مكتوب-جي ميل-..............)
9- ايه نوع سماعات الكمبيوتر بتاعك؟
10- أخيرا كذلك وليس آخرا ايه نوع الحياة اللي تحب تعيشها؟
1- مين اكتر حد بتستأمنه على اسرارك؟
2- مين اكتر حد بترتاح معاه في الكلام؟
3- مين اكتر حد بتحب تسمعه وهو بيتكلم؟
4- مين مغنيك المفضل؟
5- مين قدوتك في الحياة؟
6- مين ممثلك المفضل؟
7- مين بتحس معاه بالسعادة الغامرة
8- مين اللي زعله بيأثر فيك قوي؟
9- مين اللي بتتمنى تسمع صوته حالا؟(تسمعه بيتكلم يعني مش بيغني)
10- أخيرا وآخرا مين اللي اثر في حياتك تأثير متقدرش تنساه؟؟؟؟؟؟؟؟؟؟؟؟؟؟؟؟؟
هنيالك التاج وربنا معاك
انتى مش ملاحظه ان العيد قرب
يعنى المفروض تكون الهديه حتة لحمه (مش هقولك خروف اهو)
مش تاج
ان شاء الله لو في اسئلة تانية هبعتلك واجب كمان
متنساش بقى خد الاسئلة دي كوبي
بسم الله الرحمن الرحيم
السلام عليكم ورحمه الله وبركاته
اول ما عملت المدونه
فكرت فى البدايه اكتب (انا مين )علشان اعرفكم بيا اكتر
بس انا بصراحه مش بعرف اتكلم عن نفسى
بس انا قررت احاول(جامده قررت دى صح)
ندخل فى المهم
الاسم:امير عبد الناصر
السن :21سنه و11 شهر و20 يومكده بقو 21(والله الساعه لسه متغيره حالا)
المؤهل الدراسى:جامعى وجارى تحضير دراسات عليا
الهوايات :القرأه خاصه كتب الخيال العلمى (وقصص الاطفال)
والكتابه
والرياضه بصفه عامه خاصه الجرى والتايكوندووالكونغ فو والكراتيه او الرياضاات القتاليه عموما
سمات شخصيه :هاااااااادى جدا (شوفتو واحد هادى بيحب الرياضه القتاليه) وبكره العنف جدا جدا
ومش بعرف ازعق او اعلى صوتى على حد (ودى عملاالى مشكله على فكره)
معظم الوقت بكون ساكت (وده بيدايق ناس كتير منى )
مش بعرف اجامل خاااالص
ودى بردو عاملالى مشكله
لأنى بحس انى تعديت حدود الصراحه وبقت وقاحه
اسلوبى فى الكلام فى بعض الاحيان بيكون مستفز جدا للى قدامى
بس ده بيتوقف على عده عوامل
وعندى شويه حاجات غريبه فى شخصيتى مش لازم تعرفوهها
ومش عارف بقى هقول ايه تانى
بس تعرفو
انا كنت مستنى دورى فى كرسى الاعتراف
علشان تسئلونى
علشان حاسس انكو متعرفوش عنى حاجه
وانا مش بعرف احكى عن نفسى
فلو عايزين تسئلونى هنا
انا مستعد
السلام عليكم
من البدايه يعنى مش عايز تريقه
محدش يقولى بقى بالزمه فى زهره على شكل قلب
اه ياعم فى
عايزه تشوفها ؟
طيب غمض عنيك
غمضت؟؟؟
تخيل بقى شكلها
ايه
بتقول مبتعرفش تتخيل !!!
يا دى النيله
طيب ركز مع عمو بطوط
وهو هيوريهالك
دمع حبيس يكاد ينطلق... دمع حبيس يكاد ينزلق على وجهي.. وعيوني مستسلمة لوهج الدموع.. لا أعرف لماذا أترقب رؤيتها.. فأنا لا أريد سوى أن تلتقي عيني بعينها في زمان بلا موعد .. فكل ما أحبه أن أغوص في هذه البحيرة الهادئة في عينيها ويحوط علينا الصمت والسكون.. كل ما أصغى إليه هو أن تعرف وتشعر بأني أحبها .. وكل ما سيسعدني أن تكون لي وأن تنعم عليه ببضع كلمات منها تنثرها مثل حبات العطر في ليلة هادئة يسكنها الهدوء والصمت ويحرسها القمر ... أين كانت قبل أن أراها .. إن كان القدر خبئها عني منذ زمان .. أو كان نصف عمري في مكان ثم التقينا .. فكنت أنا من جديد وكانت هي من جديد .. وبدمع عيني أراني على شاطئ النهر .. فلا أنا قادر على السباحة ولا أستطيع أن أرتشف منه قطرة .. فهي معي ولكن لا أراها .. البعيد القريب .. السهل المستحيل .. لا تفصلها عني إلا مسافات قريبة ومع ذلك فهي بعيدة عني بعد السماء عن الأرض .. أعرف أنها المستحيل .. عبارة يأس هدتني .. بها تحولت نظرات العيون .. بريق العين يتغير .. الجفون تنسدل في استسلام فتغي السطور المكتوبة على صفحة العين .. أشعر منها بالقبول والرفض معًا .. نحن نتحدث بصمت العيون، إستفسارًا وسؤالاً وجوابًا ورفضًا وخضوعًا .. أنها تستجيب للغة العيون وعلى صفحاتها حب مكنون .. ترسمه دموع حائرة ..، بدأ لي أنها تتوقع ذلك الحب وتتأهب له وأنها في انتظاره .. وحين مددت لها يدي فسحبت يدها كما وكأنها قطة تنسحب في هدوء ..، وظلت تشاهدني من بعيد .. تشاهد كيف يحبها إنسان ويذوب فيها عشقًا وغرامًا .. وحين سحبت يدها سحبت معها خيط يمتد إلى قلبي .. وكأن ذلك الخيط خنجر مطعون في قلبي .. سحبت مني الحلم والأمل وجعلتني أتألم وأنزف .. المدهش أني كنت أحدثها عن آلام الحب وعذابه .. كنت أقول لها أني أكتب مشاعري " بالقلم والآلم"..، لقد ذبحت حبًا كان يحتضن قلبي.. فقد سحبت مني الزمان والمكان .. لم اعد أعرف من أنا .. ولا أين أعيش .. تركتها وأنا أريدها .. وابتعدت عنها وأنا أقترب منها .. ودعتها ولا تفارقني .. اختفت عن وجهي وما زالت أمام عيني ... ثم اختفيت أنا في صمت ...!!
ده كليب كده على قدى عملته لاستاذى سعيد عزت
من أحزان
المشهد الأول:
المكان: غرفة إجتماعات بمجلس الوزراء.
الأشخاص: رئيس الوزراء و وزير الإقتصاد.
رئيس الوزراء: لازم نشوف حل في مشكلة الكساد و الركود اللي مالية البلد. المعارضة بهدلتنا في الفترة الأخيرة.
وزير الإقتصاد: يا فندم إحنا بنبذل أقصي جهدنا و معاليك عارف.
رئيس الوزراء: مش كفاية. لازم فكرة جديدة نحل بيها الكساد اللي في البلد. هو إنت طول دراستك للإقتصاد من يوم ما كنت طالب في الكلية لحد ما أخدت الدكتوراة مفيش حاجة عدت عليك في المنهج لحل أزمة الكساد؟
وزير الإقتصاد (بعد قليل من التفكير): زمان لما كنت في ثالثة إعدادي قالوا لنا إن لما الثورة الصناعية ظهرت ظهر معاها أنواع جديدة من السلع مما ادي الي إنتعاش الإقتصاد.
رئيس الوزراء: يعني عايزنا نخترع سلع جديدة؟ هو إحنا عارفين نعمل سلع قديمة لما عايزنا نخترع سلع جديدة.
وزير الإقتصاد: يا فندم و ليه لأ؟ ممكن نفكر في سلع جديدة و ندرس تأثير طرحها علي السوق.
رئيس الوزراء: أيوة، لازم حاجة زي دي تدرس كويس. من ساعة موضوع تعويم الجنيه و الناس بتقول الحكومة بتضرب قرارات من دماغها.
وزير الإقتصاد: طبعاً يا فندم هتتم دراسة متأنية علي ثلاث مراحل رئيسية كل مرحلة تنقسم الي خمس مراحل فرعية. هو إحنا بنهزر؟ ده إقتصاد البلد. يعني مثلاً لازم السلعة دي يكون عليها طلب كبير أو فيه إحتياج من الشعب ليها، و إنها تبقي ضرورية للشعب ككل، يعني متكونش سلعة ترفيهية مثلاً علشان متبقاش حكر علي الطبقة العليا. كل ده هيتاخد في الإعتبار يا فندم. كل شيء هتتم دراسته دراسة متأنية، إطمن سعادتك.
في اليوم التالي مباشرة، مانشيت في إحدي الجرائد الرسمية:
خصخصة وسائل المواصلات
طرح الكراسي بأتوبيسات هيئة النقل العام للبيع
كتب عبده الهجاص:
في قرار حكيم لتحريك السوق المصري بعد طول فترة الركود، صدر قرار وزاري بطرح الكراسي بأتوبيسات هيئة النقل العام للتمليك علي أن يكون التمليك بأسبقية الحجز.
و يكون الحجز بفروع هيئة النقل العام المختلفة لعامة المواطنين، و قد تم فتح باب الحجز بداية من اليوم و حتي إنتهاء الكراسي، حيث يتقدم المواطن الراغب في التملك بطلب لتملك كرسي في خط رقم كذا المتجه من كذا الي كذا.
و قد صرح السيد رئيس الوزراء أن هذا القرار يأتي بعد دراسة متأنية لأحوال الإقتصاد المصري. و قال سيادته إن الدول الكبري مثل أمريكا و أوروبا بها اتوبسات ووسائل مواصلات عامة ملك لشركات خاصة. و لكن حرصاً علي حقوق المواطن من تلاعب كبار رجال الأعمال فقد قامت الدولة بطرح الكراسي في الأتوبيسات لعامة الشعب بدلا من تخصيص النقل كله لشركة واحدة أو إثنين. التفاصيل ص 4.
في الأيام التالية صار من الطبيعي أن تقرأ هذه المانشيتات في صفحات الجرائد.
مظاهرات القضاة الأخيرة تتم دون تدخل أمني لأن قوات الأمن المركزي مشغولة بحصار الجماهير المتظاهرة في طوابير أمام أفرع هيئة النقل العام للحصول علي مقاعد في أتوبيسات الهيئة.
طلب إحاطة بمجلس الشعب من المعارضة لوزير النقل و المواصلات حول الكوسة في تخصيص أتوبيسات الهيئة للتمليك.
صفحة الحوادث: زوجها يرفض أن يشتري لها كرسي بخط 3ج فقتلته و إنتحرت.
في صفحة إعلانات مبوبة: فيلا 250 متر بالرحاب تشطيب سوبر لوكس للبيع أو للبدل بكرسي في خط 710 المتجه من ميدان رمسيس الي الشيخ رمضان.
المشهد الثاني:
المكان: أحد شوارع القاهرة.
أحد مالكي الكراسي يركب أتوبيساً و يتجه الي الكرسي الخاص به. يجد أحد العوام ( إنقسم الشعب الي مالكي الكراسي و العوام) و قد جلس علي كرسيه فيقول له بهدوء:
- ممكن الكرسي من فضلك.
فيقوم و في عينيه نظرة حسد و يظل واقفا و يجلس الشابً.
يأتي الكمساري بدلأً من أن يطلب التذاكر يطلعه هذا الشاب علي الكارنيه الذي يثبت ملكيته للكرسي. الكمساري يأخذ تذاكر من المواطنين الواقفين فقط. تتعالي الهمسات وسط المواطنين الواقفين و هم يشيرون تجاه الشاب.
- باين عليه واصل قوي.
- يا عم تلاقيه جابها بالحظ.
- لا يا عم. شوفت طلع الكارنيه بثقة إزاي .ده تلاقيه مسنود قوي. أكيد ليه قريب ظابط مباحث ولا حاجة.
بعدها بعدة أسابيع، مانشيت في أحد الصحف:
قرار وزاري بإنشاء هيئة الرقابة علي الكراسي
بعد كثرة الحديث عن التلاعب في كراسي الأتوبيسات، صدر قرار من رئيس الوزراء بإنشاء الهيئة العامة للرقابة علي الكراسي علي أن تتبع الهيئة مجلس الوزراء مباشرة و يكون رئيسها بدرجة وزير.
المشهد الثالث:
المكان: أحد شوارع القاهرة.
شاب من مالكي الكراسي يركب أحد الأتوبيسات فيذهل حين يري أن الكراسي علي الجانبين قد تم وصلها ببعضها بحيث لم يعد هناك ممر للمرور.
يسأل الركاب عن السبب فيخبروه أن الكمساري و السواق يقومان بتأجير الكرسي الزائد في كل صف بمبلغ خرافي. ينظر للكمساري بغضب و يسأله:
أوصل إزاي للكرسي بتاعي دلوقت؟
عدي فوق الكراسي. ثم بصوت عالي للجالسين علي الكراسي: وسعوا شوية للأستاذ علشان يعدي يا حضرات.
ينظر له الشاب بغيظ فيقول له أحد الركاب:
إحمد ربنا إنت أحسن من الناس اللي فوق مثلا، بتظطر تتشعبط علشان تطلع.
الشاب (بذهول): فوق فين؟
- علي سطح الأتوبيس. إنت مشوفتك الكراسي المتركبة فوق ولا إيه؟
يظطر الشاب الي المرور فوق الكراسي و يصل الي كرسيه شاعراً بالغيظ. بعد لحظات يصعد الي الأتوبيس مفتش من هيئة الرقابة علي الكراسي. يبتهج الشاب و يقرر أن يشكو له مما فعله الكمساري و السائق. ثم فكر في أنه بالتأكيد سينتبه فشكل الأتوبيس واضح و قد إختفي الممر المخصص لمرور الركاب، ناهيك بالطبع عن الكراسي التي تم تريكبها علي السطح و التي لم ينتبه هو إليها. لم يلبث أن ذهل الشاب حين رأي السائق ينقد المفتش رزمة من المال فيصافحه هذا الأخير ويرفع يده بالتحية للكمساري و ينزل من الأتوبيس.
المشهد الرابع:
المكان: قهوة في احد شوارع مصر.
إثنان من الشباب يتحدثان أثناء تدخين الشيشة.
الأول: بنت خالتي سابت خطيبها و إتجوزت واحد تاني.
الثاني: ليه؟
الأول: أصل اللي إتجوزته أغني بكتير من خطيبها الأول.
الثاني: هو إنت مش قولت إن خطيبها كان مهندس في الحي؟ دول بيقبضوا جامد قوي، إنت فاهمني يعني.
الأول: ما هو اللي إتجوزته بيقبض أكتر.
الثاني : ليه، هو بيشتغل إيه؟ في الجمارك؟
الأول: لأ؟
الثاني: في التموين؟
الأول : لأ.
الثاني: تاجر مخدرات؟ حيرتني معاك.
الأول : بيشتغل كمساري في أتوبيس.
المشهد الخامس:
المكان: غرفة الصالون بمنزل أسرة متوسطة. شاب خجول يجلس أمام رب الأسرة.
الشاب: يا عمي يسعدني إني أطلب إيد بنتك الآنسة مها.
الأب: إنت يا إبني عندك شقة؟
الشاب: لأ.
الأب:عندك رصيد في البنك؟
الشاب: لأ.
الأب: عندك عربية؟
الشاب: لأ.
الأب: أمال عندك إيه؟
الشاب: ورثت عن عمي كرسي في خط 62. ممكن ابيعه و بتمنه أجيب شقة و أجهزها و بالباقي نشتري عربية و نعمل الفرح و نقضي شهر العسل في اسبانيا.
الأب: علي خيرة الله يا إبني.
و تتعالي الزغاريد.
المشهد السادس:
المكان: غرفة إجتماعات بمجلس الوزراء.
الأشخاص: رئيس الوزراء و وزير الإقتصاد.
رئيس الوزراء: فكرة كراسي الأتوبيس منفعتش. الكراسي عددها قليل جدا مقارنة بعدد المواطنين. فيه شوية ناس إشترت شوية كراسي و خلاص علي كده.
وزير الإقتصاد: والله يا فندم نفس اللي انا كنت بفكر فيه إمبارح بس الحمد لله لقيت حل.
رئيس الوزراء: إيه هو؟ قول الله يكرمك.
وزير الإقتصاد: هو مش إحنا عارفين إن كل سنة نهر النيل بيجي فيه كذا مليون متر مكعب مية تقريباً؟
رئيس الوزراء: آه، إيه علاقة ده بموضوعنا.
وزير الإقتصاد: هي دي السلعة الجديدة يا فندم، نبيع لكل مواطن عقد يضمن بيه كذا متر مكعب مية سنوياً. دي حاجة نقدر نقسمها علي الشعب بسهولة. و إطمن سعادتك الفكرة تمت دراستها دراسة وافية و دقيقة علي 45 مرحلة. يعني الموضوع مضمون بإذن الله.
رئيس الوزراء: طيب خلاص، علي بركة الله.