نفسى اكون بركان غضب

السلام عليكم ورحمة الله وبركاتة..

اهلا بيك يا أمير..

وحلو طريقة تعريفك لنفسك دي..

بس الغريب انك عملت زي ما تكون كنت قاعد مع دكتور نفسي وكان نفسك تعبر عن كل اللي مضايقك من أمير..

وفعلا انت عبرت عن كل اللي مضايقك من نفسك بشكل يوحي انك بتعرفنا بنفسك..

بوص اقولك علي حاجة..
لما انت شايف كمية العيوب دي اللي في شخصيتك محاولتش لية تعدلة لان التغير مش سهل بس التعديل بيوصل للتغير المطلوب ولو بقدر بسيط...

انصحك انك تحاول تعدل بقا من كل العيوب اللي ذكرتها ولو بشكل بسيط واكيد هايجي وقت وتتغير باذن الله، وبعدين انت بالفعل بداءت في تغيرها بمجرد ما ذكرتها وحسيتها بتسببلك مشاكل دي لوحدها خطوة قوية لانها تعتبر نص الطريق..

عموما انا مش هاعمل فيها فزلوكة، بس حبيت اوضح حاجة حسيتها من الكلام اللي كتبتة انت.....

وبجد غير خاصية التعليق دي لو مكنتش غيرتها، مش مشجعة علي الرد اساسا..

اولا اهلا بيكى يا شيمو ومنوره المدونه
ثانيا انا بعتزر انى أتأخرت فى ردى على تعليقك
بس بجد كنت محتاج اعيد النظر فى الكلام اللى كتبته ده
هل فعلا دى كلها كميه عيوب فيا ؟؟؟
ولا انا اللى حللت شخصيتى غلط ؟؟؟
ولا ركزت على العيوب وسيبت حاجات تانيه كتير مداريه العيوب دى ؟؟؟
مش معنى كلامى ان الصفات اللى كتبتها مش موجوده فيا
او انى خالى من من العيوب
بالعكس
لكن انا من معامله الناس ليا مش بحس انى شخصيه فيها عيوب ممكن توصف بكلمه (((كميه)))

يمكن اكون انا اللى مش واخد بالى
ويمكن يكونو هما اللى مش محسسنى بكده

بالنسبه للحاجات اللى قوت عليها بتعملى مشكله
زى مثلا انى مش بعرف اعلى صوتى على حد
معتقدش ان ده يعتبر عيب
انا اصلا صوتى هادى
ومش بحب اعليه اصلا
انما المشاكل اللى بيسببهالى
انى مثلا لو دخلت فى نقاش مع حد محتاج فيه انى اعلى صوتى علشان اوضح الانفاعلات واقدر اوصله فكرتى بطريقه سليمه
مش بعرف اعلى صوتى
فمش بتفهم كويس
ــــــــــــــــ

اما السكوت فأنا بعترف انه عيب واضح جدا فى شخصيتى
بس للاسف دى طبيعتى
وانا بحبها
______________
والصراحه الزايده عن الحد
دى عاداً بتكون مع ناس معينه
بكون عايز اوصلهم حاجه ومش لاقى غير الطريق ده قدامى
بس بردو
مش بعرف اجامل
لأنى اصلا مش بحب المجاملات
ـــــــــــــــ

اما بقى الاسلوب المستفز
فده عاداً بردو
بيكون متلازم مع الصراحه الزايده
؟ــــــــــــــــ
وان شاء الله بردو هحاول هغير من نفسى للافضل ان شاء الله

معلش بقى طولت عليكى